Форуми во заедницата

   “Урбано уредување“, “Детски игралишта“ и “Мали спортски терени“, проект што ќе се реализира со дополнителен буџет од општината, се проектите што жителите на Карбинци ги избраа на шестата и последна форумска сесија, што се одржа во неделата (14 декември), во ОУ Страшо Пинџур.

    Презентации на четири предлог-проекти со предлог-буџети се одржаа на Четвртата форумска сесија што во присуство на 63 жители се одржа во О.У.“Страшо Пинџур“, во општина Карбинци.

     Учесниците во програмата ,,Форуми во заедниците,, во општината Карбинци, на Првата форумска сесија што се одржа во средата (23.04.2008) ги анализираа проблемите кои во општината се јавуваат во областа ,,Урбан развој,,. Токму таа област на нултата сесија беше одредена како приоритетна во реализацијата на проектот, и за неа се разговараше на работните маси (образование, здравство, екологија, земјоделие, локална самоуправа, бизнис).

По договорните состаноци и информативната сесија, во четвртокот се одржа и Нултата сесија од програмата Форуми во заедницата, во општината Карбинци. Сесијата се одржа во салата на ОУ ,,Страшо Пинџур,, а присутните ги поздравија Ибрахим Мехмети, национален програмски координатор на програмата, Димче Митрески, раководител на одделението за развој во МЦМС и координатор на програмата на заедницата во општина Карбинци, како и градоначалникот на Карбинци, Борис Гаврилов.