Форуми во заедницата

    Нови осум општини се избрани во рамки на програмата “Форуми во заедницата“, чии жители во наредните месеци ќе идентификуваат и ќе предлагаат решенија за проблемите од нивното секојдневие.
    Кочани, Ново Село, Битола, Ресен, Берово, Свети Николе, Сарај и Долнени се општините што се вклучија во втората фаза од Програмата, финансирана од Швајцарската агенција за развој и соработка (SDC).
    Вкупниот буџет за оваа фаза изнесува 60 милиони денари од кои 15,5 милиони денари се учество на општините, а 44,5 милиони денари се донација на Швајцарската агенција за развој и соработка (SDC).
    Поделено по општини, учеството на општина Кочани е два милиони денари и донација на SDC од шест милиони денари. Истиот проектен фонд го добија и општините Ново Село, Ресен, Берово, Свети Николе и Сарај. Учеството на општина Битола изнесува два милиони денари, додека донацијата на SDC е четири милиони денари. Општина Долнени, пак, во Програмата ќе учествува со 1.5 милиони денари, а SDC ќе донира 4,5 милиони денари.
    Целта на Програмата е да се поттикне и поддржи учеството на граѓаните во процесот на донесување одлуки и креирање политики на локално ниво. Низ структурирани дискусии, граѓаните и општинската администрација ќе ги идентификуваат приоритетите за развој на општината и заеднички ќе развиваат проекти, од кои, повторно заедно ќе ги изберат оние што практично ќе се спроведуваат.

---

Програмата „Форуми во заедницата„ ќе се спроведува во околу 20 општини во следните 3 години, за што Швајцарската агенција за развој и соработка, обезбеди 4 мил. швајцарски франци. Во првата половина на 2008 година оваа Програмата ќе се спроведува во општините Струмица, Чашка, Карбинци, Чаир и Дебар а подоцна ќе бидат вклучени и други општини. За овие пет општини обезбедни се вкупно 28.000.000,00 денари од кои 8.000.000,00 денари се од буџетите на општините, а 20.000.000,00 денари се донација на Швајцарската агенција за развој и соработка.

Граѓаните на Струмица, Чашка, Карбинци, Чаир и Дебар и локалните власти од овие општини во следните месеци заеднички ќе изнаоѓаат решенија за социо-економските проблеми во нивните локални заедници.

 

Македонскиот центар за меѓународна соработка (МЦМС) е избран за трета органзиација што ќе се вклучи во релаизацијата на програмата. МЦМС ќе спроведува традиционален форум во една општина.