Форуми во заедницата

 Në sesionin e tretë që u mbajt në ShT “Ellpida Karamandi”, morën pjesë 80 qytetarë të cilët i paraqitën prezantimit e tyre në lidhje me problemet që mendojnë se duhet të kenë prioritet.

  Në sesion mund të shiheshin dhe dëgjoheshin tri prezantime me të vërtetë të mira të bëra prej qytetarëve, në suazat e Programit “Forume në bashkësi”.
  Prezantimi i parë kishte të bënte me promovimin turistik të Komunës së Manastirit për të cilin qytetarët mendojnë se është i pamjaftueshëm, dhe se në të ardhmen duhet të punohet për prezantimin më të mirë turistik të komunës. Këtu si probleme kryesore janë – kapacitete turistike të pamjaftueshme, mungesa e skenës verore në Tumbe Kafe, mosrespektimi i veprës të Vëllezërve Manaki, si dhe infrastruktura e dobët për në Tumbe Kafe.
  Prezantimi i dytë ishte për kapacitetet e pamjaftueshme për sport dhe rekreacion, ku më tepër kujdes duhet t’u kushtohet parqeve për fëmijë, rikonstruksionit të këndeve të lojërave, më tepër objekte të mbyllura sportive në qytet, etj.
  Prezantimi i tretë, përkatësisht problem, të cilin e përcaktoi forumi si me prioritet, ishin shërbimet e pakënaqshme komunale dhe publike, theksi vihet në përmirësimin e rrjetës kryesore të ujësjellësit dhe asfaltimit të rrugëve në mjediset rurale.
  Në sesionin e tretë të forumit janë krijuar edhe grupet e punës në përputhje me problemet, kurse në sesionin e ardhshëm, të katërtin, pritet të bëhet seleksionim i projekteve për çka do të ndihmojë dhe analiza e detajuar e problemeve, të cilën do ta përpunojnë dhe prezantojnë qytetarët.
  Programi “Forume në bashkësi”, përveç se në komunën e Manastirit, në ciklin e ri, mbahet edhe në shtatë komuna të tjera – Resnjë, Novo Sellë, Berovë, Sveti Nikollë, Koçan, Dollneni dhe Saraj.