Форуми во заедницата

  96 banorë gjithsej të komunës së Novo Sellës morën pjesë në sesionin e tretë të forumit, që në suazat e Programit “Forume në bashkësi”, u mbajt më 28 janar në restorantin “Miçell”.

  Grupet e punës, të formuara në përputhje me problemet kryesore që banorët e Novo Sellës i treguan në suazat e temës kryesore “Infrastruktura komunale dhe mjedisi jetësor”, i prezantuan raportet për tri nëntemat e sesionit të kaluar – ujësjellës dhe ujë kanalizim i ujërave dalëse, mbetjet e komunës dhe kanal për ujitje.
  Prioritetet që i përcaktuan qytetarët janë – stacion filtrues në Novo Sellë, kazanë plehrash, pastrim i kanaleve për ujitje në komunë, rregullim i koritës së lumit dhe zëvendësim i tubove për furnizim me ujë (d.m.th. përmirësim  i cilësisë së ujit të pijshëm).
  Buxheti i Programit në Komunën e Novo Sellës, me mjetet e të cilit do të realizohen projektet konkrete që do t’i zgjedhin qytetarët, është tetë milionë denarë, prej të cilëve dy milionë denarë janë pjesëmarrje e komunës kurse gjashtë milionë denarë janë donacion i Agjencisë Zvicerane për Zhvillim dhe Bashkëpunim (SDC).
  rogrami, në këtë fazë, përveç se në Novo Sellë realizohet edhe në shtatë komuna të tjera – Berovë, Manastir, Sveti Nikollë, Resnjë, Dollneni, Saraj dhe Koçan.