Форуми во заедницата

  Sesioni i katërt i forumit, në të cilin banorët e komunës së Sarajit i prezantuan propozim konceptet, u mbajt më 20 shkurt në sallën e komunës së Sarajit, në praninë e 70 qytetarëve.

  Konceptet për projekte i prezantuan anëtarët e tetë grupeve të punës, të cilët në përputhje me problemet e sesioneve të mëparshme e shpjeguan dhe e argumentuan zhvillimin e koncepteve të propozuara.
    Propozim konceptet për të cilat diskutuan banorët dhe në mënyrë të detajuar i prezantuan pamjet nga terreni, janë:
- Ndërtim dhe pajisje e objekteve sportive në Bojanë, Kopance, Llaskarc dhe Kondovë;
- Ndërtim i objekteve sportive në shkollën tetëvjeçare në fshatin Lubin; Rinovim dhe pajisje e sallave sportive në fshatrat Kondovë dhe Radushë;
- Rinovim i shtëpisë së kulturës në fsh. Bukoviq;
- Furnizim i shoqatës së pensionistëve me rekuizita sportive;
- Asfaltim i terreneve sportive në Dollno Svillare dhe sigurim i konstruksioneve përkatëse;
- Ndërtim i terrenit sportiv në fsh. Matkë dhe
- Ndreqje e rekuizitave publike dhe ngritjen e vetëdijes për ruajtjen e përdorimin përkatës të tyre.
    Përfaqësuesit e secilit grup pune treguan qëllimin që duan të arrijnë me projektin e tyre si dhe cilat grupe qëllimore do të jenë shfrytëzues.
    Ata dhanë edhe propozim zgjidhjesh për të secilin prej propozim projekteve të dhëna.
    Për secilin propozim projekt është përcaktuar buxheti për realizim.
    Buxheti i Programit “Forume në bashkësi” në komunën e Sarajit është tetë milionë denarë, prej të cilëve dy milionë janë pjesëmarrje e komunës, kurse gjashtë milionë donacion i Agjencisë Zvicerane për Zhvillim dhe Bashkëpunim (SDC).