Форуми во заедницата

Rreth 66 banorë morën pjesë në sesionin e pestë të Forumit që u mbajt më 29 prill në shkollën tetëvjeçare “Dedo Ilo Maleshevski” në Komunën e Berovës.

  Të pranishmit në sesion, i cili mbahet në suazat e Programit “Forume në bashkësi”, me entuziazëm dhe përkushtueshmëri të madhe prezantuan tetë propozim projekte, në bazë të problemeve që në sesionet e mëparshme i përcaktuan si prioritet për komunën e vet.
  Ato janë Mjedis i Pastër, Karnevale Evropiane, Ndërtim i Trotuareve dhe Kanalizimit Atmosferik, Kafe në Shesh, Ujë i Pastër – Jetë e Shëndetshme, Shëtitore dhe Rekreacion për të Gjithë, Kulturë e Traditë si dhe Sport për të Gjithë.
  Propozim projektet e dala nga Forumi janë përpunuar në grupet e punës që mbahen midis sesioneve të forumit, kurse të gjitha propozim projektet janë mbështetur prej qytetarëve të pranishëm, si projekte të bazuara dhe të qëndrueshme.
  Banorët dhanë “dritë jeshile” për realizimin e mëtejshëm të projekteve, kurse Forumi korrespondonte me strukturën ideale për punë në aspektin e strukturës gjinore, etnike dhe moshore, që kontribuoi për një debat të suksesshëm.
  Në sesion ishte i pranishëm edhe kryetari i komunës Dragi Naxhiski i cili u uroi punë të suksesshme qytetarëve dhe i përshëndeti ambiciet e tyre. Ai, jashtëzakonisht i kënaqur prej mënyrës së punës dhe organizimit, deklaroi se do të japë mbështetje të tërësishme për bashkëpunim të mëtejshëm.
  Buxheti i përgjithshëm i Programit “Forume në bashkësi” në Komunën e Berovës është tetë milionë denarë, prej të cilëve dy milionë i siguron komuna, kurse gjashtë milionë janë donacion i Agjencisë Zvicerane për Zhvillim dhe Bashkëpunim (SDC).