Форуми во заедницата

  Pjesëmarrësit morën pjesë dhe diskutuan në prezantimin e përgjithshëm të komunës për vitin 2010 dhe programet zhvillimore, nga ana e kryetarit të komunës Argëtim Fida, i cili i tha dhe investimet kapitale në komunë.
 Ato janë: Përfundimi i bulevarit Iliria, Rregullimi i infrastrukturës rrugore dhe trotuareve në zonën e re ekonomike ish-gazermat e ushtrisë, Rikonstruksioni i objekteve në ish-gazermë për fakultet të gjuhës angleze, Vendosja e matësve të ujit dhe ventilave matës nëpër lagje, Rregullimi i ndërtesës së zjarrfikësve dhe Rregullimi i shtratit të lumit Bakofska.
   “Unë si dibran  dhe aktivist i organizatave joqeveritare, mendoj se pushteti lokal së bashku me qytetarët do t’i ndajnë mjetet në projekte që janë propozuar nga pushteti lokal por kanë mbështetjen e qytetarëve”, tha Dritan Leshi i shoqatës joqeveritare “Një dollar për Dibrën”.
  Sipas tij, Programi “Forume në bashkësi” u mundëson qytetarëve të marrin pjesë në mënyrë të drejtëpërdrejtë në aktivitetet me të cilat jepet kontribut për një të nesërme më të mirë për Dibrën.
 Programe zhvillimore të prezantuara në sesionin e dytë janë:
Ndërtimi i rezervuarit për ujë të pijshëm për Dibrën, Rregullim i sistemit të ujitjes, Asfalitimi i rrugës për në Bomovë, Përfundimi i shtresës së dytë të rrugës për Mogorçe, Rregullimi i 4000m2 parter rreth sallës së shkollës, Rregullimi i rrugëve dhe parkingje me gjelbërin të Liqenit të Dibrës, Rregullimi i kanalizimit të fekaleve për lidhje me kolektorin e qytetit, Rregullimi i pazarit të qytetit dhe pazarit qendror, Rregullimi i shëtitores kryesore si zonë për këmbësorët me ndriçim publik, drurë të rinj, kanalizim të ri atmosferik dhe vendosje pllakash graniti, Rregullimi dhe vendosja e pllakave në trotuaret e rrugës “Atanas Iliq” dhe rrugës “Beton”, Përfundimi i ujësjellësit në fshatin Mogorçë dhe të rrjetës së fshatit, Kanalizim të fekaleve në fshatrat Otishani dhe Xhepishte dhe përfundim të ujësjellësit, Rregullimi i rrugës për në Kosovrastin e Poshtëm, Rregullimi poligonit sportiv në fshatin Kosovrasti i Sipërm, Rregullimi i rrugës së fshatit Banjishte.
  “Shpresoj qëllimet e sesioneve të këtij projekti do të realizohen”, thotë Fardija Mustafovska, arsimtare në ShT “Riste Ristevski” në fshatin Kosovrasti i Poshtëm, e cila ka marrë pjesë edhe në ciklin e mëparshëm të Forumit në Program.
  “Sesionet që janë realizuar deri tani treguan se mjetet duhet të jepen edhe në mjediset rurale, jo vetëm në Dibër”, vlerëson Mustafoska.
  Mjetet e komunës dhe të SDC-së, që gjithsej jane tetë milionë denarë për Komunën e Dibrës, do të jepen për realizimin e projekteve që qytetarët do t’i përcaktojnë në suazat e një prej projekteve nga buxheti i komunës