Форуми во заедницата

Forumi i Katërt në Dibër

e shtunë , 14 nëntor 2009

Sesioni i Katërt i Forumit në suazat e Programit “Forume në bashkësi” në Dibër u mbajt më 12 nëntor në restorantin “Penestija”.  Në Forumin i Buxhetit, në këtë sesion, u diskutua për programet zhvillimore dhe projektet e buxhetit të komunës për vitin 2010, si dhe propozimet dhe rekomandimet e pjesëmarrësve për programet zhvillimore të buxhetit.  Sesioni përfshiu prezantimin e projekteve kapitale dhe programeve zhvillimore të komunës, programe sipas programit, që i prezantoi përfaqësuesi i Sektorit të Financave nga administrata e komunës.  Midis prioriteteve të dhëna prej banorëve të Dibrës, të cilat u përzgjodhën në përputhje me tryezat e punës, ishte vendosja e matësve elektronikë të ujit, sistemit të ujitjes, bulevardi “Iliria”, shëtitorja e qytetit, rruga për në fshatin Bomov dhe të tjera.  Të pranishmit formuan edhe Grup Pune për Përgatitjen e Raportit të Propozimeve dhe Rekomandimeve të Qytetarëve, me qëllim që t’i dorëzohet Komisionit të Komunës për Buxhet i cili duhet ta marrë parasysh gjatë diskutimit për buxhetin e vitit të ardhshëm.  Buxheti i përgjithshëm për Komunën e Dibrës është tetë milionë denarë, prej të cilëve dy milionë janë pjesëmarrje e Komunës, kurse gjashtë milionë janë donacion i Agjencisë Zvicerane për Zhvillim dhe Bashkëpunim (SDC).  Forumi i Buxhetit nënkupton diskutime dhe propozime për shpërndarjen e mjeteve të buxhetit të komunës, dhe përveç se në Dibër, mbahet edhe në Strumicë dhe në Berovë.  Tri komunat janë pjesë e Ciklit të Tretë të Fazës së Dytë të Programit, që përfshin edhe nëntë komuna të tjera – Mogillë-Novaci, Radovish-Konçe, Bogovinë, Krushevë, Gostivar, Aerodrom dhe Makedonski Brod.

 

< I mëparshmi		Tjetri >