Форуми во заедницата

Përcaktimi i problemeve në Radovish-Konçe

e shtunë , 07 nëntor 2009

Njëqind e tre banorë të Radovishit dhe Konçes morën pjesë në Sesionin e Dytë të Forumit që u mbajt më 5 nëntor në restorantin “Shampion” në Komunën e Radovishit.  Përcaktimi i problemeve, në përputhje me temën “Furnizimi me ujë dhe ujërat dalëse” që e përzgjodhën qytetarët e të dyja komunave në Forumin e Parë, ishte temë e këtij sesioni.  Identifikimin e problemeve e përcaktuan tryezat e punës në përputhje me tri problemet me prioritet, gjatë kësaj u formuan dy grupe problemesh – “Furnizimi me ujë” dhe “Sisteme kolektorësh dhe trajtimi i ujërave dalëse”.  Grupi i parë përfshin, midis të tjerash, mungesën e ujit në komunat e Radovishit dhe Konçes, cilësinë e dobët të ujit, sigurimin e kanalizimit për furnizimin me ujë për vendet e banuara Shturovo dhe Smillanci, rregullimi i parkut të qytetit, lokacioni – Panorama dhe vjetërsimi i rrjetës së ujësjellësit.  Grupi i dytë i problemeve përmban, midis të tjerash, rrjetën e vjetërsuar të ujërave dalëse, mungesën e kanalizimit në fshatin Boisllavci, mungesën  e stacionit pastrues në komunat e Radovishit dhe të Konçes dhe problemi me ujërat atmosferike, përrenjtë – rreth liqenit Mantovo.  Sesioni formoi edhe një grup për hulumtim në terren dhe analizim të problemeve.  Buxheti i përgjithshëm i Programit “Forume në bashkësi” për komunat e Radovishit dhe Konçes është tetë milionë denarë, prej të cilëve dy milionë janë pjesëmarrje e komunave, kurse gjashtë milionë janë donacion i Agjencisë Zvicerane për Zhvillim dhe Bashkëpunim (SDC).  Forumi ndërmjet Komunave, karakteristika themelore e të cilit është diskutimi i përbashkët për zgjidhjen e problemeve në të dyja komunat në këtë fazë, përveç se në këto komuna mbahet edhe në komunat e Mogillës dhe Novacit.

 

< I mëparshmi		Tjetri >