Форуми во заедницата

Утврдени предлог-решенија во Боговиње

5.12.2009.

Третата форумска сесија во Боговиње, во рамки на програмата “Форми во заедницата“, се одржа на 2 декември во ресторанот Флоар во присуство на околу 80 учесници.  Претставниците на работните групи формирани на претходниот Форум имаа презентации во рамки на трите групи проблеми – екологија, инфраструктура и образование.  Сесијата утврди седум предлог-решенија согласно кои се формираа работни групи - Изградба на тротоари, Централно греење, Реконструкција на О.У во Новосело, Санитарни чворови во село Раковец, Изградба на училиште во Синичан, ЈП "ШАР" и Реновирање на санитарните чворови.  Учесниците на Форумот посочија приоритетни проблеми во својата општина, во рамки на секоја група - реконструкција на санитарните чворови во О.У. Лириа во Жеровјане, отстранување на дивите депонии, собирање на отпадоци во планинските места, поставување на водомери во село Камјане, изградба на основно училиштево село Синичан, изградба на детска градинка, инсталирање на централно греење во О.У Дервиш Цара и други.  Вкупниот буџет на општина Боговиње изнесува шест милиони денари од кои 1,5 милиони се учество на општината и 4,5 милиони денари донација на Швајцарската агенција за развој и соработка (SDC).  Програмата, освен Боговиње, во оваа фаза опфати уште 11 општини – Берово, Дебар, Струмица, Могила-Новаци, Радовиш-Конче, Крушево, Гостивар, Аеродром и Македонски Брод.

 

< Претходно		Следно >