Форуми во заедницата

Работните групи на присутните жители им ги презентираа осумте предлог-проекти и буџети изработени врз основа на приоритетните проблеми што ги утврдија граѓаните на претходните сесии согласно темата "Развој на инфраструктурата."
Од  осумте предлог – концепти што се презентираа на сесијата беа усвоени следните пет  концепти:
  - изградба на ловечка куќа-дом во с..Тажево
 - уредување на централното градско подрачје во Македонски Брод
 - изградба на спортско игралиште во оу "Св. Климент Охридски" и паркинг простор за училиштето и спортската сала
 - доизградба на селски дом во село Долно Зркле
 - чистење на дивите депонии
Согласно овие пет предлог-концепти се дооформија работните групи кои ќе ја разгледаат состојбата на терен за да се утврди моменталната ситуација, а како што спомнавме беа предложени и предлог-буџетите со чии средства би се реализирале доколку го изгласаат жителите на општината.
  Програмата "Форуми во заедницата" има за цел да го поддржи партиципативниот развој на заедницата  на локално ниво.
Форумот претставува основа за развој којшто се стреми  кон тоа  граѓаните да го подобрат сопствениот живот со сопствени идеи и предлози.