|
Реконструирана улицата “Маршал Тито“ во Берово |
|
|
|
24.08.2010. |
 Реконструираниот дел на улицата “Маршал Тито“ во Берово, проект што го избраа жителите на општината во рамки на програмата “Форуми во заедницата“, беше пуштен во употреба в понеделник (23 август), во присуство на бројни граѓани.
“Треба да работиме за потребите на граѓаните, а не за избори“, изјави градоначалникот на општина Берово Драги Наџински на отворањето, и додаде дека со овој проект целосно се подобри ликот на градот.
Проектот за реконструкција на улицата “Маршал Тито“ чинеше 12,5 милиони денари, од кои шест милиони денари е донација на Швајцарската агенција за развој и соработка (SDC), а 6,5 милиони денари учество на општината Берово.
Изградени и уредени беа тротоарни површини, доизградена атмосферска канализација во должина од 450 метри, и асфалтирана улицата во должина од 450 метри.
Отворањето на проектот се одржа во рамки на Денот на ослободување на Берово, и беше проследено со други свечености и манифестации во општината.
|
Вклучени општини 
