Форуми во заедницата

Procesi i FORUMIT është i përbërë prej dy fazave kryesore. Në fazën e parë (faza e sesioneve) pjesëmarrësit në forum - banorë të komunave ku realizohet programi, janë të përfshirë në 6-8 diskutime të strukturuara, ku krijohen idetë dhe rekomandimet e projekteve. Faza e dytë është realizimi praktik i projekteve të zgjedhura.

Faza e sesioneve  përbëhet prej 6-8 sesioneve të FORUMIT:

• Sesioni i parë - në kornizat e të cilës formësohet struktura e forumit - tryezat e punës, caktohet kodi i punës, dakordohen temat/fushat ku nevojitet intervenimi dhe caktohet agjenda për sesionet e forumit.
• Prej sesionit të dytë deri në sesionin e pestë, gjegjësisht të shtatin, mbahen diskutime të FORUMIT të cilat fillojnë me mendime të ekspertëve dhe/ose shqyrtime. Kalohet në fazën e artikulimit të çështjeve dhe problemeve konkrete, pastaj arrihet tek idetë e projektit dhe rekomandimet për ballafaqim me këto probleme.
• Mes sesioneve mbahen takime ku përpunohen plotësisht idetë e projekteve dhe rekomandimet. Formësohen në propozim-projekte konkrete, që formalizohen në takimet punuese mes dy sesioneve. Në takimet marrin pjesë pjesëmarrësit e FORUMIT (grupeve punuese) që zgjidhen në sesionet e FORUMEVE dhe zakonisht përbëhen prej përfaqësuesve të tryezave të interesuara të punës (gjegjësisht palëve të prekura). Për përkrahjen e grupeve punuese dhe sipas nevojës përfshihen edhe ekspertët e jashtëm lokalë. Për punën mes sesioneve, grupet punuese i informojnë pjesëmarrësit e FORUMIT. Në të gjitha sesionet e FORUMEVE dhe ngjarjet mes dy sesioneve mbahet procesverbal.
• Për informimin e opinionit publik për aktivitetet e FORUMIT ndërmerren aktivitete për publicitet. Çdo FORUM publikon buletine me informata për punën e FORUMIT, organizohen edhe intervista me pjesëmarrësit e FORUMIT, përfaqësuesit e pushtetit lokal dhe organizatat që e realizojnë programin. Gjithashtu, bëhet edhe publikimi i shpalljeve në media dhe reklamimi i ngjarjeve të forumit.
• Në sesionin përfundimtar të FORUMIT (të gjashtë, gjegjësisht tetë) zgjidhen projektet që do të financohen me mjetet e projektit në dispozicion.
• Sesionet vijuese. Pas realizimit të projekteve të zgjedhura, mbahet një ose dy sesione vijuese, ku informohen pjesëmarrësit e forumit për rezultatet dhe rekomandimet e projekteve të realizuara.

Temat e FORUMIT caktohen nga komuna ku realizohet programi, në bashkëpunim me partnerët e saj. FORUMI ka më së shumti dy (2) tema. Komunat duhet të sigurojnë dëshmi që zgjedhja e dy temave bazohet në procesin pjesëmarrës, ku janë përfshirë edhe femrat dhe meshkujt, si dhe pakicat etnike.
 

Që të trajtohet një temë si adekuate për FORUMET, duhet t'i plotësojë këto kritere:

1. Të jetë e rëndësishme për tërë bashkësinë, për të gjitha grupet etnike, meshkujt dhe femrat në bashkësi.
2. Të definohen përmes problemeve konkrete që mund të zgjidhen në nivel lokal.
3. Të jenë të lidhura me ndërtimin e kapacitetit për decentralizim.
4. Të ngjallin mendime të ndryshme për zgjidhjen.
5. Temat zgjidhen nga palët e prekura përmes procesit pjesëmarrës (të mbështetur me dëshmi).