Форуми во заедницата

Форумот ги избира проектите кои ќе бидат финансирани и спроведени, следејќи ги правилата и критериумите претходно договорени од страна на учесниците. Се препорачува при изборот на проектите да се земе предвид следново:

• Проектите треба да бидат релевантни на избраните теми.
• Проектите треба да создаваат партнерства меѓу организациите/граѓаните.
• Проектите треба да завршуваат со мерливи, практични и видливи резултати.
• Проектите треба да имаат значителен и широк општествен ефект или да се осврнуваат на важен проблем на некоја етничка или маргинализирана група.
• Проектите треба да бидат одржливи и по завршувањето на финансирањето.
• Проектите треба да придонесуваат кон процесот на децентрализација и кон поголема одговорност/отчетност на општинската администрација од аспект на финансиското управување.
• Проектите треба подеднакво да се осврнуваат на потребите на членовите на заедницата, без оглед на нивниот пол или етничка припадност.
• Проектите треба да бидат технички одобрени од страна на Управниот комитет.